სიახლეები

მიმდინარე სასწავლო წელს სკოლა „მილენიუმის“მოსწავლეებმა მონაწილება მიიღეს ლონდონის საერთაშორისო -სამეცნიერო კონფერენციაში "შეიმეცნე შენი სამშობლო" და პროექტ "მამულიშვილში".

ჩვენი მოსწავლეების ასპარეზობა საერთაშორისო კონფერენციაში წარმატებით დასრულდა.

6 თებერვალს სკოლას ეწვია საერთაშორისო სამეცნიერო კონფერენციის "შეიმეცნე შენი სამშობლო" თავმჯდომარე და პროექტ "მამულიშვილის" ერთ-ერთი ორგანიზატორი, “ფაზისის აკადემიის“ სწავლული მდივანი, ქალბატონი ეკა კარტოზია. მან დიპლომებით დააჯილდოვა კონფერენციაში მონაწილე მოსწავლეები და პროექტის ხელმძღვანელი მასწავლებლები.

დიპლომებით დაჯილდოვდნენ მე-9 კლასის მოსწავლეები:

ჩალაძე ანანო,

ინაშვილი ანანო,

სიხარულაშვილი ლაზარე,

ფუტკარაძე მარიამ;

მე-10 კლასის მოსწავლეები:

ჭიჭიაშვილი ნიკოლოზ,

ბერაია ალექსი;

მე-11 კლასის მოსწავლეები:

ფუტკარაძე გიორგი,

ლეკიშვილი ლუკა,

ზარქუა ანიკა,

იმერლიშვილი ნია,

სიხარულაშვილი გოგა,

პროექტის ხელმძღვანელი პედაგოგები:

თაბაგარი ინგა;

ინაშვილი ხათუნა.

სკოლა „მილენიუმი“ ულოცავს პროექტში მონაწილეებს ამ წარმატებას და მადლობას უხდის მათ.

როგორც მოგეხსენებათ, სკოლა მილენიუმის მოსწავლეთა და მასწავლებელთა დელეგაცია სასწავლო ვიზიტით იმყოფება გერმანიაში, ჩვენს პარტნიორ სკოლაში. მიმდინარეობს შეთანხმებები ერთობლივი პროექტების, აგრეთვე მოსწავლეთა გაცვლითი ვიზიტების შესახებ. როგორც გვატყობინებენ, ქართველი მოსწავლეები გერმანიაში გამგზავრებას უკვე თებერვალ-მარტში შეძლებენ. ვიმედოვნებთ, განსხვავებული ცხოვრებისა და სწავლის სტილი, სკოლის მართვის პრინციპები, ერთობლივი მუშაობა უაღრესად საინტერესო იქნება როგორც ჩვენი მოსწავლეებისათვის, ისე მასწავლებლებისათვის.

სრულად წაიკითხეთ ეტალონზე

წარმატებით ჩატარდა სკოლა მილენიუმის მოსწავლეთა თვითმმართველობის არჩევნები. მოსწავლეებმა მეთერთმეტეკლასელ გიორგი ფუტკარაძეს გამოუცხადეს ნდობა. მეორე ადგილზე გასულმა ლაზარე სიხარულაშვილმა თავმჯდომარის მოადგილის პოზიცია დაიკავა. კანდიდატთა პროგრამები უაღრესად საინტერესო იყო. ახლადარჩეულმა თავმჯდომარემ განაცხადა, რომ შეეცდება ყველა საინტერესო იდეა განახორციელოს.

წარმოგიდგენთ სკოლა მილენიუმის მე-7 კლასის მოსწავლე მარიამ ლეკიშვილს, რომელიც კენჭს იყრის თვითმმართველობის თავმჯდომარის პოზიციაზე. მისი პროგრამა არის არა მხოლოდ მის მიერ განსახორციელებელი, არამედ მის უკან დგას აქტიური, კრეატიული თანატოლთა გუნდი, რომელთა გვერდში დგომით ყველა თქვენგანის ცხოვრება სკოლის კედლებში გახდება უფრო საინტერესო და მრავალფეროვანი. წარმოგიდგენთ გრძელვადიან პროგრამას, რომლიც ნაბიჯ-ნაბიჯ განხორციელდება მისი არჩევის შემთხვევაში.

ჩვენი სკოლის მეცხრე კლასის მოსწავლეები ექსპერიმენტორიუმს ეწვივნენ დაათვალიერეს ფიზიკის მუზეუმი, სადაც თავად შეძლეს თითოეულ ექსპონატზე ცდის ჩატარება. დაესწრნენ ქიმიურ შოუს, რომელიც ერთდროულად იყო სახალისო, საინტერესო და ინფორმაციული

მილენიუმის მეცხრეკლასელი ლაზარე სიხარულაშვილიც იბრძოლებს მოსწავლეთა თვითმართველობის პოსტის დასაკავებლად. ლაზარეს საარჩევნო პროგრამის ძირითადი მიმართულებებია:

• სურვილი მაქვს სკოლაში ჩატარდეს მასტერკლასები (თვეში ერთი დღე, სასწავლო პროცესის ნაცვლად ჩატარდეს სხვადასხვა ტიპის მატერკლასი: ხატვა, ქარგვა, კალიგრაფია და სხვ.);

• გვქონდეს მრავალფეროვანი კლასგარეშე აქტივობები;

• დაწყებითი კლასების მოსწავლეთათვის მოეწყოს სახალისო, სპორტული აქტივობები;

• მოეწყოს გამოფენა-გაყიდვის ტიპის ღონისძიებები, საიდან შემოსული თანხაც მოხმარდება ქველმოქმედებას;

• VII-XII კლასის მოსწავლეთათვის გაიმართოს საახალწლო კარნავალი;

• თვეში ერთი დღე გავმართოთ კინოჩვენებები და შემდეგ განვიხილოთ;

• მოვიწვიოთ/შევახვედროთ მოსწავლეები თანამედროვე მწერლებს, საინტერესო და ცნობილ ადამიანებს.

წარმოგიდგენთ „მილენიუმის“ XI კლასის მოსწავლეს, გიორგი ფუტკარაძეს, რომელიც კენჭს იყრის მოსწავლეთა თვითმართველობის თავმჯდომარის პოზიციაზე.

 გიორგის სურვილი აქვს, რომ ყოველ სემესტრში თითო თვითმართველობის დღე ჩატარდეს;

 სკოლის ეზო გამწვანდეს და კეთილმოეწყოს;

 გაგრძელდეს საქველმოქმედო ღონისძიებების ტრადიცია;

 ჩამოყალიბდეს დებატების კლუბი;

 გაიმართოს შეხვედრები საინტერესო ადამიანებთან;

 სკოლის მოსწავლეთა ჩართულობით შეიქმნას სკოლის ახალი ფორმა;

 უფრო მეტი სპორტული და გასართობი ღონისძიება მოეწყოს;

 გახშირდეს და გამრავალფეროვნდეს სკოლის გარე აქტივობები... და სხვ.

მილენიუმის პედაგოგები ოქროსფერ ოქტომბერში კახეთს ვეწვიეთ. ულამაზესია კახეთი ამ დროს...თუმცა საქართველოს რომელი კუთხე არაა ამ დროს მშვენიერი... მაგრამ ახლა სხვა რამ უნდა მოგითხროთ: ილიას მუზეუმი რომ მოვიარეთ, კიდევ ერთხელ რომ ჩავფიქრდით ამ ბუმბერაზი კაცის ღვაწლზე, ზოგმა ჩვენგანმა იქნებ ქართულ ენასა და ანბანზეც იფიქრა რამე, მუზეუმის პირდაპირ იოანე ნათლისმცემლის  შობის ტაძარს ვეწვიეთ, ჭავჭავაძეთა საგვარეულო ეკლესიას, და როგორ განვცვიფრდით და თანაც როგორ გავამაყდით, შესასვლელშივე რომ შემოგვანათა ქართული ანბანის ხატმა, მილენიუმის ბიბლიოთეკარის, პოეტისა და კალიგრაფის, ქალბატონი ცირა ბულაშვილის ნახელავმა, როგორც ყოველთვის უმშვენიერესმა და ყოველივე ქართულის მიმართ უსათუთესი განცდით სავსემ. 

25 სექტემბერს სკოლა მილენიუმის XII კლასის მოსწავლეები დაესწრნენ გოეთეს ინსტიტუტში გამართულ ენების ევროპული დღისადმი მიძღვნილ ღონისძიებებს. ჩვენი მოსწავლეებისათვის  განსაკუთრებით საინტერესო აღმოჩნდა შეხვედრა უცხოელ დიპლომატებთან. ფრანგი, იტალიელი, გერმანელი, თურქი და ლატვიელი დიპლომატები პასუხობდნენ მოსწავლეთა კითხვებს უცხოური ენების შესწავლის მნიშვნელობაზე მათ საქმიანიობაში.

ასევე პედაგოგები დაესწრნენ თამარ გაგოშიძის ლექციას თემაზე:,,უცხოური ენების სწავლება და ბავშვის განვითარების პერსპექტივები”.

ჩვენს კურსდამთავრებულებს გვინდა მივულოცოთ, მათი წარმატება მართლაც შთამბეჭდავია: ნახევარმა ოქროსა და ვერცხლის მედლებით დაიმშვენა თავი, ყველა მათგანი სტუდენტი გახდა, მათ შორის ნახევარზე მეტმა სახელმწიფო დაფინანსება მიიღო. სულ წარმატების გზებით გავლით, ჩვენო ძვირფასებო, და გესახელებინოთ თქვენი მშობლიური სკოლა. მილენიუმს კი ქართველი პოეტის სიტყვები_ მოუხდება: "...ვინ მოიგონა სიმცირე მისი..."

მოსწავლეებს არც მასწავლებლები ჩამორჩნენ: ჩვენი პატარა პედაგოგიური კოლექტივიდან მესამედზე მეტი გავიდა წამყვანი და მენტორი მასწავლებლის გამოცდაზე. ვამაყობთ, რომ ათიდან 8 მასწავლებელმა სასურველ შედეგს მიაღწია და ახლა უკვე პრაქტიკული საქმიანობით გააგრძელებს საკუთარი კომპეტენციის დადასტურებას.

გრძელდება მილენიუმისა და აიდინის (თურქეთი) კოლეჯის თანამშრომლობა, რომლის ფარგლებშიც მივიღეთ მიპატიჟება, აპრილში ვეწვიოთ ქალაქ აიდინს, სადაც ბავშვთა საერთაშორისი დღესასწაული გაიმართება. ორი წლის წინ მილენიუმელები უკვე იყვნენ ამ დღესასწაულის მონაწილენი. ამის შემდეგ ჩვენი თურქი მასპინძლები საქართველოში იყვნენ სტუმრად. როგორც ამბობენ, მეგობრობა გრძელდება.

ჩვენმა სკოლამ პარტნიორული ურთიერთობა დაამყარა გერმანიის ქალაქ ბერგიშე გლადბახის სკოლასთან. თანამშრომლობა გულისხმობს ერთობლივი პროექტების განხორციელებას, მიასწავლებელთა და მოსწავლეთა გაცვლით პროგრამებს. ჩვენი სკოლის წარმომადგენელთა პირველი ვიზიტი გერმანიაში შედეგება 24-28 ოქტომბერს. წარმატებას ვუსურვებთ ჩვენს წარმომადგენლებსა და მეგობრებს გერმანიაში.

საზაფხულო კურსი 9-დან 16 წლამდე ასაკის მოსწავლეებისთვის (ასაკობრივი ჯგუფების მიხედვით)

კურსის ძირითადი მიმართულებები: ლოგიკა, კრეატივი, დებატები, ლიდერობა და გუნდურობა, კომუნიკაცია და კონფლიქტების მართვა